NOTE
Please note that not all formats are available at the moment - it's a work in progress.
Note that the documents are created and translated for immersion only, Mi'gmaw being prioritized.
On this page you can find the rough translation in english and/or french.
We encourage you to submit your suggestions, reviews, ideas or completed work to the LED communication team.
Mi'gmaw
Language translated:
Text:
‘Lpa’tu’ji’j Ta’n Se’sgwep Paqtesm!
6. Wejgwa’tegemgeg eig’p ‘lpa’tu’ji’j nujiangweiwaji jijgluewjig. Getu’ mila’teget muta siwa’l’jig ta’n teliangweiwaj.
8. Na tujiw illamit aq se’sgwet “Paqtesm! Paqtesm! Paqtesm poqt’tesguaji jijgluewjig!”
10. Gutangewaq peitugultijig ge’gut’nug apoqonmuanew ‘lpa’tu’ji’tl jigltesguan paqtesml. Gatu peita’titeg ge’gut’nug, mu nemia’tigul paqtesml.
12. ‘Lpa’tu’ji’j wesgewigwetutg muta gistagalalaji mimajuinu’g.
14. “‘Lpa’tuj! Mutt se’sgwew ‘paqtesm’”, telua’tijig gutangewaq, “ta’n tujiw mu eimug paqtesm!” aq nisiluo’ltiji’g.
16. Ege’l gi’s ap meteweng “Paqtesm! Paqtesm! Paqtesm poqt’tesguaji
jijgluewjig!” Wesgewigwetutg ge’sg gutangewaq pemsoqotugultitij
jigltesguanew paqtesml.
18. Ta’n tujiw nemitu’titeg mu paqtesml eimnigul melgima’titl, “Mutt ap jipaqaminen ta’n tujiw mu goqwei amsale’gtnug! Mutt se’sgwew ‘paqtesm’ ta’n tujiw mu paqtesm eimug!”
20. Gatu ‘lpa’tu’ji’j pas’g jigapito’jing angamaji ap enminisita’nij.
22. Gne’nug, nemiatl ‘GJITME’L paqtesml algimienitl ta’n jijgluewjig eimu’tnij. Jipaqa’sit, wenaqiwnaqaiet aq se’sgwet ta’n we’gwipgwatoq “Paqtesm! Paqtesm!”
24. Pas’g na gutangewaq telta’sultijig ap getu’ lue’wa’lujig, aq mu apaita’gwig.
26. Galgwasieteg, ‘ms’t wen mu nestasulti’gw ta’n tlgis mnaq ‘lpa’tu’ji’j
apaja’lagwi jijgluewjig. Na so’qwita’jig aq we’jia’titl ‘lpa’tu’ji’tl
etlteminitl.
28. “‘Gjitm paqtesm pegising’p! Se’setesguapni jijgluewjig! Se’sgweiap
“Paqtesm!” Talgis mu wejgwita’woqos?”
Pemigutana’ti’titeg gisigu getu’ apoqonmuatl ‘lpa’tu’ji’tl.
“Egsitpu’nug apoqonmultesnen ta’n telgwilaj jijgluewjig,” teluet,
ge’gususga’latl maljewe’tl, “Mu wen getlams’tuagul nujiegsuenitl…
je tlia’ teliaqewei tluej!”
