Ta’n Tujiw Gisigweian - When i grow up

Atugewinu: Lois Lenski

Gisisa’se’wa’toq Mi’gmawigtug : Roland Morrison Gisa’laji Napwi’gigng : Roland Vicaire

Edited and Revised by Listuguj Education, Training and Employment 2021

Ta′n tujiw gisigweian, ′gsatmugg gisigapitnewian pugtewulgwigtug. Gisna nujialaqsutuan alaqsimgewei. Alaqsint′s musigisg′tug e′wum mesgi′g alaqsimgewei. Gisna nujeiaqasnig wenjitia′mug. Ali′puluegg m’gegtug aqq jijuaqa mawtesguiegg ′ntuemg. Etug jel tllugweia′s ′st′ge′ nujiiga′taqawinu ta′n gesatg elgesewej, ta′n esmaji go′qoli′gwejg aqq jinpegnaji wenjitia′mug. Gisna nujintuisgetut′s mijipjewei, tlisewegg, ′′Ni′n netuisgetu pugwelg mijipjewei.′′

Gisna gisinujo′tt′s mesgi′g tepaqan. Mijipjewei alott′s ′ms′t tami. Gisna malpale′witewit′s aqq ′mpila′s ta′n te′sit mimajuinu gesnugwat. Gisna ta′n nujinqa′sua′toq pugtew. ′Gsigawa′sigg eliei ta′n tujiw goqwei nu′gwa′q. Gisna gisinujialott′s wi′gatignn ugjit ′ms′t wen tett utang wigit. Gisna gisitllugweia′s ′st′ge′ awtiei gast′pl ta′n nujo′tgl tepaqann ugjit mu wen piamigsigawa′sin. Gisna gisitlugweia′s ′st′ge′ na ji′nm ta′n nujo′tgl gasawo′qwe′l tepaqann, ta′n utang elo′toqol aqq app apsgo’toqol. ′Lpa ta′n getu′tllugweian, geitu me′ ne′gaw wijei tlqamigsit′s.