Pugla'tmu'j Ge'gupit Eloqta's'gigtug

Carol V. Aebersold aqq Chanda A. Bell giswi'gmi'tij aqq Coe Steinwart gisnapui'g'g

Gi's angite'tmmn ta'n wettlgis Santi Gla's geji'sg te'sipunqeg welmtu'n gisna mu? Gi's nige' gasg'ptnnaqanipunqeg mu wen geitu'g. Gatu nige' gistlimultoqs'p pas na mut se'so'tunew ula a'tugwaqan 'ms't tami.

Te's Gesigewigu's na Santi Gla's elgimit ta'n tami eimu'tioq. Angamulnoq aqq gegnua'taq 'ms't goqwei ta'n tellugutioq. Santi Gla's 'lpa negm ula lugwaqan gisignmuit. Ni'n na nujiaponqonmuei puglatmu'j. Amgwe's wejgu'wei tett na amujpa 'nwisunm ignmui'oq smtug. Newt wisun ignmuioq na gisipoqjilugweia's. Talwi'titoqs'p etug? Pugi? Gisna Mi'la? Etug je'l tlluwi'titoqs'p Megwi? Mu geitu, amujpa gilew gisite'tmoq.

“ Mila, Megwi, Gesalut,Pugi” Te'siula'gw ge's nep'tioq na elaqsin

oqwatnug pegnng musigisg'tug ta'n tami eig Santi Gla's. Ni'n na gesigawa'si muta nata gesgmaplgigwa'tegei. Najgisei maw nitapaq

aqq gegnua'taq Santi Gla's. Gegnnua'taq welmtu'tioq gisna mu. Ta'n

tujiw egnnua'taq na welgwijing gisna ewulgwijing. Gesmmoqja'loq wen na gegnnua'taq "Assusit", aqq elg gegnnua'taq ta'n tujiw welmtu'tioq. Tepaqanigtug, mila'suaqane'gati, gisna gina'muo'guom, 'gjijultoqs'p aqq gnnua'tua's Assusit. “ ‘Nsanoqon – pepgej ‘mgumi – mu wen gisipqamigw” Apaja'sias gesgmnaq tugwia'tioq, toqojiw amujpa gwiluwitoqs'p ta'n tami eim ugjit na na'gweg. Tugwia'tioq na jugwatoqs'p aqq wen amgwesewa'juitew we'ji'litew etug. Etug je'l we'jilitoqs'p eptaqano'guomigtug, mijanno'guomigtug, gisna a'seg. Gisigasia's wasuego'qigtug, eloqta's'gigtug, gisna napui'gignigtug. Tami ittesg? Milita'nej ijga. Pas'g newte' tetpaqa'tegemgewei amujpa majugwattmoq me' na apsgwa'sia's sapo'nug: Taliulmtu'tioq mutt sama'linew. Muta 'ngesgmaplgigwa'tegemgewei etug je'l en'ttes aqq Santi Gla's ma 'gji'tug ta'n goqwei ni'n geitu. Ma gistlimaq a'sutmaioqot'p, apoqonmueioqot'p miloqsewen, gisna waqamategeioqot'p. Taligjittew Santi Gla's ta'n teujiwelmtutioqot'p? Etugje'l tlta'site'w awantasualoq. Santi Gla's teluep ma gisgllululnuoq. Amujpa 'ms't puglatmu'jg majugwatmmitij ula 'pplu'taqan. Jigsttltoqs'p. Tllimigw ta'n goqwei pewatmmoq. Pewatg wen mila'suaqan gisna apje'jgl eptaqanji'jl? Agattmmuigw 'npugugul aqq ta'n telwesgewigwa'si, nmittoqs'p etljigs'tlnoq. Gatu Santi Gla's negm ugtejgewei glusuaqan geggung. Talta'sioq? 'Msntoqs'p ta'n goqwei pewatmmoq? Wela'gw gesgmmnaq nuelewumg 'nlugwaqannm na gaqeiaq. Toqojiw ittesg maw Santi Gla's esgwiaq newtipunqeg. Na tujiw tlimitoqs'p 'nmultesg aqq angweiasittesg. Jigllaqsintes ta'n tujiw nutmmaq Santi Gla's ugjijuejgml.

Musualultoqs'p ma'munjel gatu 'nmultoqs'p igtipunqeg. App Gesigewigu's neia'sias app. Tlapis na tujiw etawei 'ms't e'pite'ji'jg aqq 'lpa'tujg ulnuelewultitoqs'p maw wantaqo'ti aqq gelulg wejgu'aq punqeg. 

Amgwe's pegisinap 3 & 4 gina'masuti1 Gesigewigu's, 2021

aqq telui'timg'p: