Grade / LVL
Language
Grade 4
Mi'gmaw
August 1, 2003
Date Created:
Date Updated:
October 8, 2026
Topics
Animals & insects ( birds, fish, cat, farm animal), Myths, Story, Fantasy and other tales
Description
Translation: Story of a rabit - bunny ? lois lenski ?
Formats available
Booklet, Colouring pages, Letter half - (8.5x5.5) - 8.5x11
NOTE
Please note that not all formats are available at the moment - it's a work in progress.
Note that the documents are created and translated for immersion only, Mi'gmaw being prioritized.
On this page you can find the rough translation in english and/or french.
We encourage you to submit your suggestions, reviews, ideas or completed work to the LED communication team.
Mi'gmaw
Language translated:
Text:
PIE’L WAPUS ELIST’G
1
Giju’ Wapus getu’natanguat. Gesgmnaq maja’sigw, na telimaji unjanji’jg, “Mutt tami se’g ‘lta’new!” ‘Ms’t wapu’si’sg mu elistua’tigul uggwijual, pas’g eta newte’jit wapu’si’s telwisit Pie’l.
2
Gisimaja’sinniteg uggwijl, na Pie’l eliet ‘llutaqanigtug aqq pijapegit. Nemitoq iga’taqan ta’n etligwe’tij enmapejig aqq pitlanji’jg. Negm namawwipajig enmapejig. Na eliet aqq najimijjit. Tuma Maltan na ula ugtiga’taqanm.
3
Na Pie’l mijjit aqq mijjit. Tewjima’munatalg, ‘lpa glapis gesnugwat. Na tujiw teluet, “Nige’ enmiei.” Teligtu’maja’sij na nemiatl Tumaalwejgu’ennitl.
4
Tuma elg gisinmiatl Pie’lal etlatannitl ugtiga’taqanmg. Mu gesatmugTuma, na poqt’tesguatl. Gesigawa’sit Pie’l najimimugwasit. ‘Lpa Tumamu gisiwe’jiagul.
5
Ge’s Pie’l pemsmugwaj na e’natl umugsnn aqq ma’w usgitqwanml. Mu getu’apaja’sigw ta’n wejiep. Na poqjijipaqa’sit.
6
Na we’jiatl samuqwano’qol aqq eligasit na’te’l. Mu geitugup samuqwanpiteg aqq gissqapalsitaq. Na nugu’ apajitualqapegit aqq se’g eliet.
7
Pie’l jipasit aqq musualatl uggwijl. Ge’s etliatlasmij na apigji’j neia’sit. Negm mu gisitaliapoqonmuagul Pie’lal. Na nugu’ Pie’l siawa’sit.
8
Ge’s Pie’l pemsmugwaj, na nemiatl gajuewjl. Mu getu’gigja’sigw ta’neimnnij muta jipalatl. Na se’g eliet.
9
Glapis gatu tepapt’g ‘llutaqan aqq nemitoq ga’qana’tas’g. Me’ gatu Pie’lwelta’sit aqq smtug natg’g.
10
Tetapu Tuma Maltan app nemiatl Pie’lal aqq app poqt’tesguatl. ‘Lpame’sietepna’tl. Pie’l welta’sit gisijigla’sij na’te’l aqq smtug enmiet.
11
Glapis gatu Pie’l wiguaq pegising. Me’ gatu welta’sit uggwijl nemiaj, aqqelg Giju’ Wapus welta’sualatl Pie’lal.
12
Pie’l gispnet aqq gewjit. Na elsma’sit unpo’qoneg aqq Giju’ Wapusela’tuaji mlagejg. Wapg teltugwiej Pie’l, me’ gatu gesnugwat. Angite’tgta’n gistla’tegej ulagu. Telimatl uggwijl, “Mesgeii Giju’. App ma’ listulnu. Gesalul Giju’.”
