Grade / LVL
Language
Grade 4
Mi'gmaw
August 1, 2021
Date Created:
Date Updated:
August 1, 2021
Topic / Description
Animals & insects ( birds, fish, cat, farm animal), Social studies - Home & family / Friendship, Emotions / Feelings ( fear, happy, sad...)
Translation : The adventures of Waspu a small dog curious about the world and often time scared, find himself a new friend with a cat.
Formats available
Booklet, Colouring pages, Letter half - (8.5x5.5) - 8.5x11
NOTE
Please note that not all formats are available at the moment - it's a work in progress.
We encourage you to submit your suggestions, reviews, ideas or completed work to the LED communication team.
Mi'gmaw
Language translated:
Word count:
295
Text:
‘Nmu’j Telwisit Waspu
p. 0
‘Nmu’j Telwisit Waspu
p.2
Te’sigisg’g ula ‘nmu’ji’j telwisit Waspu pemigwet, pempittaqsit gatu mu pempitoqsigw. Ta’n wetagutg moqwa’ pitoqsulti’gw. Ge’s pemigwej aqq pempitoqiej, Waspu pugwelg ta’n goqwei gegina’masij. ‘St’ge’ gegina’masij me’ gelu’lg i’mn negm ugtiga’taqang aqq ‘sqolji sisgua’qamigtug tle’g aqq ‘nmu’ji’jg mu wije’wawi’tiss.
p.3
Gegina’masij palu’nn pastesgl.
p. 4
Pastesgl.
p. 6
Waspu app gegina’masij mu tepa’sin mutputigtug aqq mu ugsua’tuan piluei wen wilu aqq igtigl pilue’l ta’n goqwe’l.
p. 8
Gujmug eig’p ta’n wenn Waspu getu’nmiatl, getu’nmiapnn gajuewjl gatu ugta’papi’ml enqalt’pnn.
p. 10
Glapis newte’jgeg na’gwe’g Waspu we’jiapnn gajuewjl lamuguomg, elisinnitl mutputigtug. Ta’n tujiw Waspu gigja’sij na gajuewj tepiwnaqiet patawtigtug. Waspu siawgigja’sit glapis na gajuewj taqmatl ugs’tuaqaneg. Waspu smtug wegilalatl.
p. 12
Na gajuewj tepiwnaqiet g’p’ta’q tuo’p’tigtug aqq na Waspu mu gisitepnagul.
p. 14
Ta’n tujiw mijjultimgeg na gajuewj getu’gmutmapnn. Na gajuewj app tepiwnaqiet tuo’p’tigtug aqq Waspu app mu gisitepnagul. Ta’n tujiw Waspu ijga’ getu’npa’ji’jiteg, ula we’jiatl gajuewjl etlapalsilitl ta’n negm i’tlinpaj.
p. 16
Smtug wegilalatl aqq smtug app gajuewj tepiwnaqiet tuo’p’tigtug aqq Waspu app mu gisitepnagul. Na nesuguna’q Waspu wetme’g altesguatl ula gajuewjl. Pas’g na negm apjiw tepiwnaqiet na’tami esp’teg. Na ne’wowei na’gweg, Waspu so’qotesguatl ula gajuewjl ge’gwe’g aqq pisgutesguatl etlne’p’timg.
p. 17
Pas’g na mu gisiwe’jiagul ‘lpa tami.
p. 18
Na negm apatnisa’sit epune’g.
p. 20
Elgwiluatl mutputigtug, mu eimnnigul. Elgwiluatl tuo’p’tigtug, mu eimnnigul. Elgwiluatl ‘ms’t tami pas’g na ‘lpa mu gisiwe’jiagul tami lamuguomg.
p. 22
Na Waspu musualatl aqq siwe’g. Mu gajuewjl eimnnigul ta’n ugs’tuaqaneg ‘tqamgutal. Mu gajuewjl eimnnigul ta’n gmutmgutal wilu. Mu gajuewjl eimnnigul ta’n ugsua’tagutew ta’n i’tlinpaj. Mu gajuewjl eimnnigul ta’n altesguatal. Waspu musualatl na gajuewjl.
p. 23
Na ta’n tujiw getu’mijjultimgeg. Waspu nutuatl ula gajuewjl etltaqnuennitl aqq nemiatl.
p. 24
Na tujiw Waspu geitoq aqq gajuewj geitoq ula ‘nmu’ji’j telwisit Waspu welta’sit gajuewjl apsgwa’sinnij.