Grade / LVL
Language
Grade 4
Mi'gmaw
August 4, 1980
Date Created:
Date Updated:
February 23, 2026
Topics
Myths, Story, Fantasy and other tales, Animals & insects ( birds, fish, cat, farm animal), Classic
Description
Translation: The tree little bears story
Inspired by it's original by Robert Southey and first published in 1837 - Translated by A.Metallic for the Mi’gmaq Listuguj Curriculum Development 1988
Original Illustrations From Nursery Tales by Samuel Low Company, Kenosha, Wiscosin 1999
Formats available
Booklet, Colouring pages
NOTE
Please note that not all formats are available at the moment - it's a work in progress.
Note that the documents are created and translated for immersion only, Mi'gmaw being prioritized.
On this page you can find the rough translation in english and/or french.
We encourage you to submit your suggestions, reviews, ideas or completed work to the LED communication team.
Mi'gmaw
Language translated:
Text:
Ne’s’sijig Mui’naq
p. 1
Giju’ Mui’n gislugwatg egsitpu’gowei. Mu smtug gismijjulti’gw muta peltegewei wesamp’teg. Na gujmug elta’jig ijga’ glapis gisitgiaq ugpeltegeweimuow.
p. 2
Mu gnegg elta’gwig.
p. 3
Mui’naq gismaita’titeg na neia’sit e’pite’ji’j. Gispnet aqq getu’atlasmit. Metete’get. Mu wen neia’sigw. Ga’qan apt’sqa’s’g.
p. 4
Tuo’p’tigtug pisgwapegit. Welapt’g wenji’guom. Mu gejiagul ta’n wenn wiginnitl.
p. 5
Gatlin nemitoq peltegewei patawtigtug ge’guteg. Newte’ wett’g. Na wesamp’teg. Igtig wett’g. Na wesamitgig.
p. 6
Gatu ula peltegewei ta’n eteg’p apje’ji’jit lapol ‘lpa na giasgi’wt’p. Na siaw jigt’g. Na epa’sit apje’ji’jgewei mutputi aqq atlasmit.
p. 7
Mutputi’j sewisg’g. Na ge’gwe’g toqjua’t. Nemitoqol ne’sisgl ‘mpo’qonn. Wejisma’sitl ‘ms’t. Apje’ji’jgewei me’ welising. Na na’te’l etlinpat.
p. 8
Ula mui’naq ne’s’sijig pemiapajinmita’jig. Gewisultijig. Maljewe’j na negm nenaqe’g.
p. 9
Peita’jig wiguowaq. Tata’t mui’n teluet, “Na’tuen gisiugt’tmuij ‘ntpeltegeweim.” Giju’ mui’n elg negm teluet, “Ni’newei elg wettas’g. Gatu ula maljewe’j teluet. “ ‘Lpa na’tuen jigtmuisneg ‘ntpeltegeweimeg.”
p. 10
A’se’g elta’jig. Maljewe’j mui’n nemitoq, ugmutputi’jm sewisge’g. Ewlita’sit. Muta gesatg’p ugmutputi’jm.
p. 11
Na ge’gwe’g toqjuita’jig. Tata’t mui’n nemitoq unpo’qon se’s’tesgas’g. Giju’ mui’n elg negmewei se’s’tesgas’g. Gatu ula maljewe’j mui’n we’jiatl Ga’tlinal unpo’qoneg. Nepannitl.
