Go′qoli′gwe′j Aqq Gulmgei ′Sgilmin

Ula na go′qoli′gwe′j aqq ugtgo′qoli′gwe′ji′jmg. Newte′jgeg na′gwe′g ge′s alta′tij gujmug, na we′jitu′tij gulmgei ′sgilmin. Na go′qoli′gwej wesua′toq ula ′sgilmin aqq angunte′g maqamigeg. Esgmatmi′tij ′pqojigwen. Glapis poqjigweg gulmg. Gesigawigweg. Go′qoli′gwej wetme′g. Angweiwaji ugtgo′qoli′gwe′ji′jmg. Mu wenn

we′jiagul ta′n apoqonmagutal. Pipanimaji witapa. ′Nmu′j telimatl, ′′Moqwa′, ma′ gisiapoqonmulu.′′ Gulgwi′s telimatl, ′′Moqwa′, ma′ gisiapoqonmulu.′′ Elg gajuewj telimatl,

′′Elg ni′n ma′ gisiapoqonmulu.′′ Glapis gatu gislasteg ula gulmg. Ne′gaw welsamuqwana′toq. Go′qoli′gwej teluet, ′′Etna glugt′tew pipnaqan gisitu.′′ Go′qoli′gwej teluet, ′′Etug wen apoqonmuitew mena′taqatm ula gulmg?′′ ′Lpa ′ms′t witapa mu getu′apoqonmagugwi. Na newtugwa′lugwet mena′taqatg. Mu wen apoqonmuagul.

Pas′g angama′titl go′qoli′gwejl. Go′qoli′gwej eliet muling. Newtugwa′lugwet. Mu wen getu′apoqonmuagul. Ela′toq gulmg. Na′te′l tlnugwa′gittuaten. Go′qo′li′gwej pegising. Muling wejiet. Pegisitoqol wape′jgl. Teluet, ′′Wen getu′apoqonmuit epipnei?′′ ′Lpa mu wen nutuagul Go′qoli′gwejl. Na negm epipnet. Newtugwa′lugwet. Gelu′lg pipnaqan gisitoq. Go′qoli′gwe′ji′jg getu′apoqonmua′titl uggwijual. Gatu ′ms′t witapa pas′g angama′titl go′qoli′gwejl elugwenij. Go′qoli′gwej teluet, ′′Wen getutg pipnaqan?′′ Go′qoli′gwej witapa wenaqia′tinniji. Gulgwi′s teluet, ′′Ni′n.′′ ′Nmu′j teluet, ′′Ni′n.′′ Aqq gajuewj teluet, ′′Ni′n.′′ Go′qoli′gwej telimaji witapa. ′′Moqwa′.

Mu esmuluoq gilew. Mu getu′apoqonmuigup wen. Pas′g ni′n aqq nnjanji′jg maqutesnen ula pipnaqan. Gilew gisiangamitesnen.