Ta’n Teliangweiasin ‘Sg’te’gmujuia’timg

Gegna’sin

Nasge’n toqwaqji’jg aligew gulaman ma’ alipsoqtesgmawun.

Nasge’n aligew ta’n ma’ gisinu’gwetestnug.

Milapewnusi gulaman me’ ulnmiteget’sg aqq ulnutt’sg. Mutt nasgmu ugsi’sgwei.

Nasge’n wapamu’g aligew aqq wasoq’tqegl ‘gpitno’qomg gulaman ulnmulten tepaqan wejgu’aq.

Alasenma gulaman naqamasnmulten.

Mutt alapilmu wesamgi’g munti gisna ta’n alatejiatew maqamigeg.

Alapile’n apje’jg munte’j. Enmiaq ugju’te’mn, na piluei munte’j e’we’n.

‘Gtu’ala’tu’n mila’suaqanei wa’qan, tlawo’q gisna pesgewei, na wi’gatigneiei ala’tu, me’ na ma’ wen jileiwam’g.

Gesgmnaq Maja’siwun

Agnutma’tigw gi’l aqq gngi’gug ta’n liet’sg ugjit suitisl. Gnua’tu gngi’gug ta’n te’s ajietew enmien.

Nespne’n cellphone ‘lpa gu’gunmn.

Ge’s Alsuitise’gen

Sangew pmia, mutt altugwi’mu.

Pas’g gmetug awtigtug ugs’ge’n.

Majulgwate’n awtie’l ‘tplutaqanji’jl.

Angweiu ta’n wen mu nenuawt.

Apjiw mutt tepa’siw wen piluei utepaqang.

Mutt gigja’sualaw wi’si’sg. Jijuaqa na negmow jipala’tiji ta’nig mu nenua’tigwi.

Pas’g lia wenji’guoml ta’n wasoqonma’tijig.

Tmg ‘llia wenji’guoml anapow etegl. Mutt alitqamoqwa’siw awti’l.

Enmiaq Giguaq ‘Pgisinn

Gi’l aqq gngi’gug menaqa angaptmug suitisl gesgmnaq wen malqutmug.

Uliangweiasultitoqs’p aqq Gisoltitoqs’p ula ‘Sg’te’tmujuia’timg!