
NOTE
Please note that not all formats are available at the moment - it's a work in progress.
We encourage you to submit your suggestions, reviews, ideas or completed work to the LED communication team.
Text:
347
Word count:
Te'sg Wastew
"Metuguna'q!! Metuguna'q!! Metuguna'q!!" Teluwep Jasmine ug'gwitl, "Eetugjel Ma' liewn gina'matio'guo'mg gisgug." "Mu etenug wastew nige," teluwep Jasmine. "Aqq ne'pana gesatm wastew. Getu'liei gina'matio'guo'mg. Pizza gisgug." "Gisu'pisa'si, " Teluwep ug'gwitl.
Jasmine wel gisu'pisa'sip. Simtug poqji ma'munipsaqp. jasmine getapegiep: "Gesatm! Gesatm! Pugwelg wastew. Gesatm! Gesatm! Gujumug ei'm. Gesatm! Gesatm! Pugwelg wastew. Gesig ! Gesig ! Pasg gisei'n!"
Jasmine metoqa'sip awti pem liep gina'matio'guo'mg. We'gow gejigiaq pegisinge'g, wastew we'gwa'sgp glapis ugjigung. Jasmine getapegiep: Me' gatu ! Me' Gatu ! Pugwelg wastew. Gesatm ! Gesatm! Gujumug ei'm. Gesatm! Gesatm! Pugwelg wastetw. Gesig ! gesig! Pas'g gisei'n!"
Jasmine pemlega'p aqq pemlega'p, aqq pemlega'p, glapis wastew we'gwa's'gp ugtl'lamilu. Jasmine getapegiep : " Gesatm ! Gesatm ! Pugwelg wastew. Gesatm ! Gesatm ! Gujumug ei'm. Gesatm ! Gesatm ! Pugwelg wastew. Gesig ! gesig! Pas'g gisei'n!"
Jasmine pemlega'p aqq pemlega'p aqq pemlega'p. Nemitoqop gina'matio'guo'm, pasna wastew we'gwa'spg glapis ugsisqon. Jasmine getapegiep: " Me' gatu ! Me' Gatu ! Pugwelg wastew. Gesatm ! Gesatm! Gujumug ei'm. Gesatm! Gesatm! Pugwelg wastetw. Gesig ! gesig! Pas'g gisei'n!"
Jasmine naqasip, me pem'ma'munipssaqp, nige unjig tel pastegp wastew.
Jasmine getapegiep: " Me' gatu ! Me' Gatu ! Pugwelg wastew. Gesatm ! Gesatm! Gujumug ei'm. Gesatm! Gesatm! Pugwelg wastetw. Gesig ! gesig! Pas'g gisei'n!"
Pegitpuguwip aqq pegijitapgegiep. Glapis nuji ango'tg iga'taqan wejgu'wep nasguwajig la'sguwaq. Wetn'napn Jasmine-al ugta'gusng aqq se'sgwep "AAAAAAAA! Geljit mijuwai'j!"
Na tuji'w ela'latl gina'matio'guo'mg nes'p'tejimatl jasmine-al. "Tami tett ela'ti'gw?" teluwep Jasmine. Ela'lul malpele' witi' sgw, teluwep nuji ango'teget. Nuta'n i'mn ta'n etli ulpeteg tmg aqq mu tala'tegewn la'wultes ta'n etl gina'masin.
Jasmine ela'lut malpale'witi'sgw ta'n eig aqq teluwep "pana geljin!" Ge welpasa'lulegp. Wegla ta'sgl anguno'sn'ne'l pas na mu ajiul'p'sigup Jasmine. Lugowinu igtig pisgwa'p aqq teluwet, "Pana geljine'g!" Ge apu'jenulegp, iginmultes natgoqei eptef samuqwan. Na pitguto"tuwap epteg apu Jasmine ugtung. "Wigapu'g !" teluet Jasmine, pasna me mu wel'p'sigw.
Glapis nuji ango'teget a'p'ja'sip. Angamatl Jasmine-al aqq teluwep "me geljin? Etugjel gis na'tala'tiga's. Nemisgm'mn'nej natgoqei ta'n gisi e'w'tes'nug gi'gl'ligjen'nanen Jasmine tuji'w poqtenmip aqq pasga'qtoq mgumi pugwelgl mus'sal.
Nuji ango'teget ela'lapn ta'n etl gina'masit. Pem la'tute'g na'tel pemtesgm'i'tip alsusitewei a'sei.
Ei' teluwep alsusit, "Tal'lugweioq ta gilew ? Tewjimtugna'q aqq ma punipsamug newtigisg'g. Ujpana mst wen n'miet. "S'gm'ma, teluwet Jasmine. "Na'gweg ugjit pizza!"
Mst tewita'pn'ni'g ugjit mewliagwatalultiew " Ma'punipsaq gisna mu, Gesig gelulg towji'w apoqonmati geg'gunmn ta'n etl'limtuwe'g. Gesig giso'qon!"

