PLAMU

Ta’n Telimegite’tasit Plamu ‘Nnue’gatig

Te’s nipg ula ‘nnue’gatig, usgewinu’g plamue’ga’tijig. Na tele’g, nmiat’sg alt usgewinu’g ‘smuetu’tij plamuei. Plamuei na ma’wwigapu’g ta’n te’s’gnme’juei.

Ta’n Teliangamgusit Plamu

Plamu unji apje’jg aqq ugsuguni pepgijigg gatu ugtinin megwa’ig gesge’g. Plamu na waju’et piwigesg ta’n telgilg gatu mu unjig. Ta’n te’sit plamuu’ta’qanji’jit ugpaqamg, umustig, aqq etuiw ugtining. Etuiw unjig eteglugtmqanl aqq musigte’gutnn ta’n wejigamlamit.

Ta’n tlnenuat’sg napiglej na ‘mgignigg epuneiei ugtugwape’gn aqq‘sgwemegw moqwa’.

Ta’n teligg plamu ugtinin, ta’n telisgmoqonit, aqq ma’w ta’n telmesgi’gu’ta’qan ugsugunig, na apoqonmaj ulialateja’sin aqq gisigsigawa’sinsamuqwanigtug.

Ta’n Teliajita’tij Plamu’g

Plamu’g na pituitnnaqanigl mile-l wejita’jig. Pi’tawita’jig ugjitnajisiga’la’tinew. Wenaqaiatmi’titl winpegijuigl aqq qapsgul we’gawgisipejita’new ta’n tlsiga’la’titaq. Pemiapajita’jig na ta’n tettetlpenatasultipnig. ‘Sgwemegw na e’w’g ugsuguni aqq ugsisqon ugjitmulqatmn enmaqqe’ji’j ta’n igo’toqol ugwa’wuml toqo napiglej apoqonmuetango’tgl wa’wul.

Ta’nig Getanaji aqq Ta’nig Getanji Plamu

Plamu getanaji gaqpesaq, peju’ji’jg aqq igtigi nme’ji’jg ugjit wilu. Plamueiwius na wapimgwe’g muta elg malqumaji tegwiaqusijig. Ta’nig plamugetanji na waspu’g, put’paq, mui’naq aqq mimajuinu’g.

Nme’j Ugmimajuaqanm Ta’n Tela’s’g

( wa'wul - plamu'si's - mnamuj - taqawanji'j - 'sgwemegw gisna napiglej)

Iga’tu Tetaputeg Glusuaqan Te’s Telatuemgewei

napiglej

gisigsigawa’sin

telisgmoqonit

peju’ji’jg

pituiptnnaqanigl

ugtugwape’gn

qapsgul

u’ta’qanji’jit

tegwiaqusijig

mui’na’q

‘Sgwemegw

piwigesg

1. Ta’n tlnenuat’sg napiglej na ‘mgignigg epuneiei _______________aqq ‘sgwemegw moqwa’.

2. Plamu na waju’et _______________ ta’n telgilg gatu mu unjig.

3. Ta’n teligg plamu ugtinin, ta’n _______________, aqq ma’w ta’ntelmesgi’g u’ta’qan ugsugunig, na apoqonmaj ulialateja’sin aqq_______________ samuqwanigtug.

4. Ta’n te’sit plamu _______________ ugpaqamg, umustig, aqq etuiwugtining.

5. _______________ na e’w’g ugsuguni aqq ugsisqon ugjit mulqatmnenmaqqe’ji’j ta’n igo’toqol ugwa’wuml toqo _______________apoqonmuet ango’tgl wa’wul.

6. Plamu’g na ____________ mile-l wejita’jig.

7. Plamu getanaji gaqpesaq, ______________ aqq igtigi nme’ji’jg ugjitwilu.

8. Ta’nig plamu getanji na waspu’g, put’paq, _______________ aqqmimajuinu’g.

9. Plamuei wius na wapimgwe’g muta elg malqumaji _______________.

10. Wenaqaiatmi’titl winpegijuigl aqq ____________ we’gawgisipejita’new ta’n tlsiga’la’titaq.