Grade / LVL
Language
Grade 4
Mi'gmaw, English / Anglais
November 5, 2021
Date Created:
Date Updated:
February 23, 2026
Topics
Curriculum/Lesson plans
Description
Translation : Ne'wgl Ajigisg`gl natugaqn -
This story and the pictures were taken from a text received from the Naskapi people of Quebec. The late Manny Metallic translated this story. The text editor is Sosep Wilmot. The current edition is for use as a reading text for Grade 1 or 2.
Formats available
Booklet
NOTE
Please note that not all formats are available at the moment - it's a work in progress.
Note that the documents are created and translated for immersion only, Mi'gmaw being prioritized.
On this page you can find the rough translation in english and/or french.
We encourage you to submit your suggestions, reviews, ideas or completed work to the LED communication team.
Mi'gmaw, English / Anglais
Language translated:
Text:
Ne'wgl ajigisg'gl
Toqw'aq Gesig Siggw Nipg
This story and the pictures were taken from a text received from the Naskapi people of Quebec. The late Manny Metallic translated this story. The text editor is Sosep Wilmot. The current edition is for use as a reading text for Grade 1 or 2.
Gi's nige' sa'q, pas'g toqwa'g'p telipgijiaq newtipunqeg. Moqwa' gesig, siggw gisna nipg. Mo miti'sg nipiue'gw aq mo pilei 'msigu nigwenug. Newtipnqeg 'lpa na 'st'ge' toqwa’q nige' gisgug. 'Ms't wen nugu'ejela'toqop. Newtejgeg na'gweg ula gisigu peging'p na utan. Mo wen nenuaqupnn. Me' gatu weju's'g'p na na'gweg aq 'ms't wen lamuguomg wesgewa'sip.
Pas'g ula gisigu gujmug ale'g'p. Nige' pesu'gatg'p newt pilei wiguom. Teliangita'sit, “Amuj wegla gaqatepiaq mijipjewei aq na amuj smitaq.” Na glaman nige' eliep na wiguom aq pipanigesip mijipjewei.
“Ge' ta's'g mijipjewe'j, aq getu'samuqwa. Ijga' getu'atlasmi na' tami?” “Moqwa” telimut, “Waqqaj tepiaq ugjit ninen. Se'g lia.” Amuj gisigu nige' se'g eliet. Nugu' nige' welgu'jit muta ugtaliaqan mu 'nnim aq gaqtaqaiaq.
Ap nige' pesugwatg igtig aq weltejg wiguom. Teliangita'sit, “Amuj nige' tet na'tuen apoqnuitew.” Na telimut, “Ula ta's'g gilu'j. Ala sipu'j najisamuqawa aq nipugtug gis tlasmites.’ Gisigu teliangita'sit, “Etug na ula me' gelu'lg aq mo' goqwei.”
Na nige' mijit aq telgne'g eliej saqewigan. Pas'g algwilg ta'n tllasmitew. Nige' ula wigipnig gisigui'sgw aq uji'jl e'pite'sl. Wegla gisigu'l telima'titl mo' wesam pugwenmaweg gatu negmewei ta'n menuegej aq na'te'l lamugomg gistllasmitew. Na ula gisigu etligtugunip aq na wapgeg puisipnaq.
Na sapo'nugweg, ge's welate'g miaw na'gweg, ula 'msitun nutas'g'p, “Pegisinap gm'tgiwaq aq wejeyuloqop. Gilew ta'n waqqaj goqwei te'sung welignmuet. Ta' n me' goqwei metuite'tt ignmuen aqq ta'nig welsegsultijig na mawinpaqtmu'tijig.”
Nige' jijuaqa ta'n goqwei wape'g poqjipsaq. Pugwelg jipaqa'sit. Na ula 'msitun ap gelusit, “Na nige' weja'tegemg te's newtipunqeg ula wape'g 'psan nisatew. Puwelgig tepgunsejig ula siawtetew maqmigeg. 'Mtue'tew we'jitun mijipjewei. Samuqan ugjiatew 'mgumigtug aq telimuloq tge'tew. Ula na wejiaq ta'n telinpaqtmu'tioqop. Nige' ula teluisig gesig.
Glapis na 'psan nujgma'qt'tew aq me' ulp'tew. 'Msigu nigwetew aq minijgl aq wi'sisji'jg mimajuaqnite'taq. Ula teluisig siggw. Ap igtig tujiw tluisitew nipg. Samuqan na tujiw waqmitg. Mijipjewei na tepiaq aq welp'teg. Ula na ignmas'g ta'n tujiw welm'tu'tioq.
Ta'n tujiw wegla 'ms't gisigittoqwa's'g ap majita'tal aq na ula siawa's'gt'tew ta'’n tujiw gnjanuaq unjanua iImi'tij aq jel ma'w uji'jua na 'lpa iapajiw.” Glaman nige' te's newtipnqeg na wijei pemapegsig. Gi's nige' te'sipunqeg aq 'lpa ma' punianug.
