Grade / LVL
Language
Grade 4
Mi'gmaw
August 1, 2021
Date Created:
Date Updated:
February 23, 2026
Topics
Myths, Story, Fantasy and other tales, comedie / humor
Description
Translation: Book by Robert Munsch illustrated by Micheal Martchenko;
Smelly Socks
Tina (Mali) loves her brand new socks so much, she's never, ever going to take them off! But when her wonderful socks starts to get smelly, her friends have to take actions...
Formats available
Booklet
NOTE
Please note that not all formats are available at the moment - it's a work in progress.
Note that the documents are created and translated for immersion only, Mi'gmaw being prioritized.
On this page you can find the rough translation in english and/or french.
We encourage you to submit your suggestions, reviews, ideas or completed work to the LED communication team.
Mi'gmaw
Language translated:
Text:
Jijema'ql Signn
Ugjit Tina Fabian
Hay River Nnue'gati
Katlodeeche Um'tgiwow
Newtejgeg na'gwe'g Mali pewatg'pnn pile'l signn, na uggwijl ela'let'pnn newte' magasan utang. "Ula magasan pas'g eigl maqatawe'gl signn" teluet Mali. "Gisiasoqma'tiigup aqq gelu'lgl signn gisinatelmugup?" "Mu gisiasoqma'teja'lugweg, muta mu asoqomutaqan etenug tet, "telimtl uggwijl. Geitu'n ta'n telgneg ela'timg ugjitt ta'n asoqomutaqan eteg, aqq mu gegunmug tepaqan.
Na tujiw Mali namijgamijl aqq telimatl "taliulm'tu'n ge' asoqoma'li ugtuligtug?" "Getu' natelmann gelu'lgl signn." "Mu'ntul elugwenug" telimtl umijgamijl "Ji'menej" teluet Mali, "Gisji'metesnu! Ji'meia's aqq gi'l ugtejg gisgopites" "Ji'metes? " , pIpanimtl umijgamijl. "E'e!" teluet Mali "Naqamase'g na ji'memg."
(missing page )
Na Mali tepa'sit mtul aqq sangew ji'met. SE'SAPAQTESG, SE'SAPAQTESG, SE'SAPAQTESG. Aqq ugtuluwow sangew gigto'qa's'g. METEWPEGA'S'G, METEWPEGA'S', AQQ METEWPEGA'S'G. Mali gesigawji'met. SE'SAPAQTESG, SE'SAPAQTESG, SE'SAPAQTESG SE'SAPAQTESG. Aqq ugtuluwow gesigawgigto'qwa's'g "Awanta'sigeg ta'n ttelji'meg ula ugtul,"teluet Mali.
"Nige' gi'l ugtejg ngopa'si aqq tlimi ta'n tla'tega's." telimtl umijgamijl. Na Mali ugtejg emgopa'sit aqq telimatl umijgamijl ta'n tlji'menital, umijgamijl gatu gisiasoqomji'menitl. Qame'g iga'titeg na nangmla'tijig mesgi'g magasan ugjit signn.
Mali wetnasa'toqol signn ta'n wesamgi'gl, signn ta'n wesamiewne'gl aqq signn ta'n wesamiwapimgwe'gl. Mali ewtnaso'toqopnn gjpituiptnnaqan aqq gjippituiptnnaqan te's'gl signn. Glapis gatu newte'jgl ta'n mujgajewe'l, megwe'gl, wisawe'gl aqq wisawiewne'gl signn. Na nugu'na ula mewlia'gwatalultimg, gatu Mali aqq umijgamijl apaitugwigig sipug, toqwatu nige' mtul nata'ji'meg. Mali gigto'qojimet aqq gigto'qojimet, glapis gatu gisiapajiasoqma'tijig aqq pegisingig wiguaq.
Ta'n tujiw pegisini'titeg, Mali enm'tugwi'g aqq pemisewet "Signn! Signn! Mujgajewe'l Signn! Ula na mawglu'lgl signn ta'n nemituan telipgitawsi. Nmituan telipgitawsi. Nmijgami'asoqmi'lip qame'g glamen gisipgwateltes ula signn. 'Lpa ma' nugu' mna'tuan." "Mu' nuguuuuuuuuuuuuu!" teluet Mali. "Me' gatu !" Teluwenitl uggwitl.
Nugu na Mali pegijinasggl na signn. Nasg'g'pn ugjit newte', Ta'pu, si'st, ne'w, na'n asugom, iluigneg, ugumuljin, pesguateg, newtisga'q te'suguna'q. Uggwitl telimtl, "Mali, gelu'lg gesatmnn na ugtisignn. Ignmui aqq jaqaligsistaqanmu'n. Muta' 'pqojoqwetal mu gesistaqanmu'n. "Signn! Signn! Mujgajewe'l Signn!"teluet Mali, "Ap ma' nugu' mna'tuann." Toqo mejit newtisga'q na'gwegl nasg'gl ugtisignn, maljewe'jg gina'muo'guomg telua'tijig, "Mali! We'gwigsoqegl na 'gtisignn ge' nugu' ilipsigna'si." "signn! Signn! Mujgajewe'l Signn!" teluet "mali, ap ma' Nugu' nugu' nugu' nugu' mna'tuann."
Na ap mejit newtisga'q na'gwegl siawnasggl ugtisignn, newte'geg slumgaq pemaqsultisinig gigjiw wiguaq, 'lpa nijo'ltijig maqamigeg, muta wesamigsoqeg, aq we'gow tapusijig tia'mug pemitqamoqa'tisnig utiga'taqang 'lpa gigt nisiejig muta wesamigsima'qp. Je we'gow apjij'gmujg, apalgaqamejg, aqq atu'tuwejg nisia'tijig te's pemlienij gina'muo'guomg.
We'gaw apigjilu eloqosma'teget muta wesamigsima'q na gigtaw. Mali witapa glapis gisita'sultijig apoqnmuanew witapual. Toqo elta'jig wiguaq aq metete'mi'tij ga'qan. TUG TUG TUG TUG TUG! Ta'n tujiw Mali pana'to'q ga'qan, na goqwa'la'titl aqq elapilatitl sipug. Genmi'titl ugsisqonual aqq mena'tua'titl ugtisignn.
Alt ma ljewe'jg gena'titl Malia I, aqq igtigig gesistaq nmua'titl ugtisignn. GESISTAQNMI'TITL GESISTAQNMI'TITL GESISTAQNMI'TITL 'Lpa 'ms't nme'jg wenaqo'g'tijig pawijei aqq npu'ti'tij.
Na maljewe'jg me' siawigisistaqnmua'titl, ugtisignn, ugpitnaputu'titl. GESISTAQNMI'TITL GESISTAQNMI'TITL GESISTAQNMI'TITL Na we'gow gopitaq na'taqmita'jig aqq pisgwiwsultijig na mali umijgamijg wiguaq. Gatu na maljewe'jg me' siawigsistaqnmi'titl na signn. GESISTAQNMI'TITL GESISTAQNMI'TITL GESISTAQNMI'TITL Gneg papge'g mimajuinu'g pipanigesultijig "Talgis ula sipu telima'q st'ge' mejege'gl signn?"
Giapis gatu giswaqamapatu'titl negla signn. "Ge' angapte'n!" teluet Mali "Me' weliangamgugl ta'n tujiw waqme'g." "Ge' angapte'n!" Teluet Mali. "me' welnuggl ta'n tujiw waqme'g." Toqo Mali nasa'toql ugtisignn aqq teluet "Nige' weja'tegemg nasgman waqme'gl signn."
Na tujiw gopitaq apatuwiwsultijig Mali umijgamijg aqq apaita'jig sipug. Aq elt na sulmgwaq nisia'tipnig menjita'jig aqq ejiglaqsultijig. We'gow nme'jg mu nepu'tigusnig, na poqjiala'mu'tijig aqq gwi'sultijig na sipug.
Na Mali enmieteg uggwijl telimatl, "ntisignn welamu'gl aqq waqame'gl, telte'tm glu'tes ela'li's'p utang aqq pewgwatelmuin welamugsit mewe'g, wisawe'g aqq wisawiewne'g atlai." T'plumites 'gsistaqanan?" uggwijl pipanimatl. "Moqwa" Teluet Mali. "Tepipijiesgmaian, maljewe'jg gina'muo'guomg 'gsistaqamui'tital."
(blank)
