Grade / LVL
Language
Grade 4
Mi'gmaw
August 1, 2021
Date Created:
Date Updated:
September 26, 2025
Topic / Description
Locations/Place/Landmarks/(City, farm, forest, hospital...), Community & Professions/jobs/work
Translation of
Can you tell where I live ? Series - Exploring neighbourhoods. Global Modern Curricullum press 1981 –
By Jackie Hobal and Roberta McKay, 1951
Illustration by Christine alexiou
Illustrations: Christine Alexiou
Editor: Judith Reeves-Stevens
Formats available
Booklet
NOTE
Please note that not all formats are available at the moment - it's a work in progress.
We encourage you to submit your suggestions, reviews, ideas or completed work to the LED communication team.
Text:
Word count:
Geitun ta'n wigi ?
Wigultigw Ganata Pugwelgl gjigann ag utann ag utanjijl Ganata. Tal nenmn gm'tgi?
Tali ewas'g magamigew? Tali ewas'g magamigew ta'n teluisig Ganata? Etugjel ewas'g ta'n ...wigultimg, ...etl gisoltimg...etl lugutimg, ...etl ginamasultimg, ...etl iatagutimg. Tali ewasèg magamigew gm'tginag?
Talgig gjigan? Gjigan me mesgig je mu utan. Utan me mesgig je mu utanjij. Talgig gm'tginu? Mimajuinug Gagisg milamugsijig mimajuinug Ganata. Me pugwelgig mimajuinug gjigan je mu utan, ag me pugwelgig mimajuinug utan je mu utanjij. tasijig mimajuinug wigultijig gm'tginag ? Tal gamigsultijig?
Wen'jiguoml Milamugl wen'jiguoml tes gjigan. Alt na newtiganig, ...tapuiganig, ...espiganig, ...pitagiganig. Pugweliganig. Talamugl wen'jiguoml gm'tginag?
Eliganigl Mimajuinug el'tutitl wen'jiguoml aqq eliganigl ta'n wigultijig. Alt eliganigl ewas'gl ugjit ta'n tel mawitamg aq ta'n etl lugutimg.Alt teluitmugl magasan, laglans, asutuoguom aqq pugtewoguom. Tas,gl eliganigl etegl gm'tginu? Tali ewas'gl.
Gisogn Pugwelgl ta'n mimajuinug etl gisoltijig. ... Igatagnigtug, ....niputug,... sitmug, ...awtiigtug,... gujmug wigual. Tami etl gisoltiog gilew gm'tginag?
Alasimg Mimajuinug apjiw el'tajig na tami. Atl ...pemiggwatamutijig, ... al'tesgasultijig, ...altejalugutijig,.. alipuluatijig...Tali al'tajig mimajuinug gm'tginag? Tali al'as'g agnutmagn gm'tginag?
Alasimg Mimajuinug el'tajig gjigang. Alt ... el'tejalugutijig, ...alagsultijig,... ewmitij awti, ...ewmitij gasawoguei awti. Tali el'taiog gjigang? Tali lgitmiog gogwei gjigang?
Lugowinug Alt mimajuinug elugutijig gjigang. Ms't wenn apognmuatitl ta'n... ejiglotutij mjegei, .. wagmatutij awti, ... usgagn nujotmitij. Alt na pugteweiejg, gast'plag aqq malpalewijig. Wenig apognugsigwig gm'tginag? Tali apognmajig gigmag?
Gegnuatagnn Gm'tginag gegnuatagnn etegl ta'n teloltigw aqq ta'n teli apognmatultigw. Tegen gegnuatagnn etegl gm'tginag? Tegen gegnuatagnn etegl igtigl utann ?
Gogwei sasewas'g Nat gogwei pem sasewas'g gjigang. Jijuaga mimajuinug ejigliwsijig. Jijuaga sagawel wen'jiguomi seiogtas'gl aqq pilel el'tasgl. Jijuaga eliganigl anguatas'gl. Jujuaga nat gogwei nugwag gis na mespogeg.Ms't gogwei pem sasewas'g ms't tami. Gm'tginu tal pem sasewas'g ?
Ms't gogwei pem gisiguag? Gjigan ms't gogwei pem sasewas'g ta'n tel piam gisiguag. Gm'tginu tal pem sasewas'g ? Talteg's pileiawigeg?
Ms't wen wigit na tami um'tgig. Pugwelgig mimajuinug wigultijig Ganata. Pugwelg ta'n gogwei wesgowas'g gjigan. Tal geitun gm'tginu? Gogwei getu tlategen ugjit gm'tginu?