Gejiin tan wigi… angaptmnej Gjigan tan tleiewi

Alt Ganatiesg wigultijig gjigang. Tes pugwei gjigan piltuteg. Gogwei nenmn ula pugwei gjigan ?

Gjigang magmigew ewas’g … wenjiguoml …etl lugutimg …sguul …milasuagnegatil …magasann Tali ewas’g magmigew tan gil tleiewin?

Ms’t magmigal gjigang piltutegl. Alt magmigal wajuiganigl ag alt mogwa. Alt magmigal gjigang pugweliatijig mimajuinug ag alt mogwa.

Talteg gil tan tleiewin ? Talgamigsultijig mimajuinug tepaw wigultijig giguag?

Nignenal

“Nin teluisi Ella. Nin tleiewi gjigang. Ula na napuign tan tleiewi. Wenjiguom espiganig. Je geggunmeg tan gis tli tgismultieg ag elg eteg milasuagnegati. Tepaw magmigew eteg tan ewmeg ugjit tan teli igatagueg.” Angam ula napuign. Gejiin tan wigi ?

Nitap elg wigit gjigang. Pilututeg tan negm wigit. Wiguow eteg gujmug gjigang. Ula napuign na gjigan tan nitap wigit. Wiguow eteg tagmogwasin sgul. Angam ula napuign. Gwilen tan nitap wigit.

Gisogn

“Ninen geggunmeg tan I til militaieg ag gagisg gisoltieg. Apjiw etl militaieg tepaw eteg milasuagnegati. Ag jijuage naji militaieg sgul igtug. Igtig eteg mesgig milasuagnegati gjiganei. Jijuaga nsis wijewugsieg natel.” Tami tet gilow I tl militaiog ?

Lgowagnn

“mimajuinug mil lugutijig gjigang. Alt mimajuinug etl lugutijig magasang, alt aspitlg, ag alt tan etlitas’g milamug gogwei. Eimutijig tan wagmatutitl ag elugwatmititl awtil.

Gjigang elg eimutijig gast’plag ag tanig nuji nagasuetemitij pugtew.” Tegen lgowagnn eigl tan gil tleiewin?

Altamg

Mimajuinug asuitajig gjigann. Gjigang  eteg magmigew tan musigisg ulgul etli ogwag seg gjigang weitagl. Mimajuinug gigtam tleg eltajig gjigang tan tujiw getu ltatij gnegg.

Gjigang elg eteg tan I tli ogwag ag weji maitag pasl gisna gas. Alt gjigann eteg tan lapugwann ag wenji ulgul etli natagmitag. Tali altajig mimajuinug gil tan tleiewin? Tal tuwag ag tal pisgwag gogwei tan tleiewin?

“Jijuaga mittugwalg nitap. Amuj pa na tepasi pas togo sapuei. Ninen I latieg tan pugwelgl magasann eteg. Apjiw pisgwatieg magasan tan wisisjijg geggunatiji. Milamugsijig nmejijg elg geggunatiji natel. Tan tujiw gewisineg, na natel etl mijjieg. Tami tet gil I tlanguan ? tal lien natel ?

“Jijuaga mittugwalit nitap. Tan tujiw pegising na elatieg sagaweioguomg. Natel Elg mesgig wenjiguom eteg tan napuigng pugwelgig epitij. Tmg na angamegetjig napuigng toga ninenewei elieget. Jijuaga na elatieg tan wisisg milamugsijig geggunatiji. Geggunatiji mesgilgig wisisg ag elgapjejijijig . Jijuaga ngij ag nujj elalugsieg na tami ag naji mijjultieg. Tami tet gesatmn gil elien? Tal lien natel?

Tplutagnn

Tplutagnn amuj pa na etegl gjigang. Pugwelg tan gogwei pemiag gjigang muta mesgig. Nsanognitew mu tplutagnn gugunmitigw. Awtigtug amuj pa na gegnuamug wasogotesg

gesgmnag gisi tagmogwatimeg awti. Jijuaga awtigtug ewigas'g tan tli tgamogwasit's.

Jijuaga gagamit jinm tan apognmuaji mimajuinug tagmogitatij awti.

Tegenn tplutagnn etegl gil tan tleiewin? Taluegegl?

Tan Tel Sasewas'g Gjigan

Gjigan gagisg sasewas'g. Tes pugwei gjigan piltuteg. Alt sagawel. Eteg'pnn gjigan atel eltas'geg. Alt pilel. Eltas'g'pnn ugjit mimajuinug tanig pejiwsultipnig. Pilel wenjiguoml puatmitipnn. Tawji sagawel wenjiguoml gil tan tleiewin? Tal sasewas'g tan gil tleiewin?

“Nige geitun tan telteg tan nin tleiewi.”

Gogwei gsatmugg wigis'p gjigang st'ge ula?

Gogwei ma gsatmun?

Gogwei ugjit?

Wigin gil gjigang?

Tali gjitun?