Grade / LVL
Language
Grade 4
Mi'gmaw
August 1, 2021
Date Created:
Date Updated:
December 1, 2025
Topic / Description
Locations/Place/Landmarks/(City, farm, forest, hospital...), Community & Professions/jobs/work
Translation :
Can you tell where I live ? Series - Exploring town neighbourhoods. Global Modern Curricullum press 1981 –
By Jackie Hobal and Roberta McKay, 1951
Illustration by Christine alexiou
Illustrations: Christine Alexiou
Editor: Judith Reeves-Stevens
Formats available
Booklet
NOTE
Please note that not all formats are available at the moment - it's a work in progress.
We encourage you to submit your suggestions, reviews, ideas or completed work to the LED communication team.
Mi'gmaw
Language translated:
Word count:
Text:
Gejiin tan wigi Angaptmnej Utan tan tleiewi.
1. Alt Ganatiesg wigultijig utang. Tes pugwei utan piltuteg Angam ula utanei napuign. Gogwei nenmn?
2. Tan teli Ewas’g magmigew
Utang magmigew ewas'g ugjit:
wenjiguoml
magasann
milasuagnegatll
sguul.
Tali ewas'g magmigew tan gil tleiewin?
3. "Nin teluisi Naina. Nin tleiewi ula utan. Nin ag nigmag nenagatjig ms't mimajuinug ula utan. " Gogwei nenmn ula napuign igtug?
4. Wenjiguoml (Nignenal)
"Ninenewei wenjiguom na newtiganig. Pugwelgl newtiganigl wenjiguoml etegl tepaw tan wigultieg.
Newteiit nitap seg wigit. Piltuteg tan negm wigit. Negm wigit wenjiguomjij pittagapegisg tan gisi ajatmg.
Igtig nitap wigit gegweg magasan. Natel netuisgetas'g ms't gogwei elugwemgewei.
Wenjiguom eteg ugjit gisigu mimajuinug st'ge nugumij ag nmijgamij. Na wenjiguom eteg gigjiw milasuagnegatig.
Taliggl mimajuinug wiguowal tan tleiewin?
5. Mesgigl Wenjiguoml
Igtigl mesgigl wenjiguoml etegl tan tleiewi. Wegla na magasann. Alt mijipjewei netuisgetas'g; alt aligew ag alt lamugomei gogwei st'ge epsagtejg, patautil, npognn ... Newte magasan eteg tan elugwemgewei gogwei netuisgetas'g. Natel elg etl lugwatmititl tepagnn.
Nesisgl etegl tan gis tlatalultimg. Jijuaga agntieumgl tewatalultieg tan tesieg nignag.
Tegenn mesgigl wenjiguoml etegl tan tleiewin?
6. Gisogn
"Gasgisg gisogn na utan tan tleiewi. Nipg na tegismultieg ag gesig alipgamiltieg.
Megwaig utang eteg tewn etl mawitamg. Natel pugwelgl tan gogwei wesgowas’g."
Tami tet etl militaiog tan tleiewin?
7. Lgowagnn
Mimajuinug elugutijig tan tleiewi. Alt etl lugutijig magasang; alt
etl lugutijig tan etlatalultimg; alt etl lugutijig tan suliewei
etl nujotas'g. Ag alt etl lugutijig tan gesnugutijig eimutitij.
Je wegaw eteg tan nmejuei etl lugwatas'g. Na eteg gesgmnag utang pisgwatim'g.
Nin suel ms't wen nenag etl lugwet na utan tan tleiewi.
8. Nuji Apognmuatijig
"Lugowinug eimutijig tan nuji apognmuatijig. Eimutijig pugtew matnmitij, nuji npitagatijig ag eimutijig angweiwatiji gesnugutijig. Tan tujiw wen mamuni gsnugwaj na elalut gjigang. Natel eteg mesgig aspitl.
Wenjiguom eteg tan gast’plag etl lugutijig. Eimutijig jinmug tel lugutijig mjegei megnmitij. Megnmitij tepu tes agntieuti. "
Wenig apognmuatijig gil tan tleiewi?
9. Altamg " Utang mu etenugl gasl tan lamgamug pemitagl. Giwnaga ali uggwatamutijig mimajuinug. Jijuaga utepagnmual ewmititl. Ula utang gas ag pas i nagas'g. Mu etenug tepaw musigisg ulgwei magmigew. Gatu pugwelg usgewinu ulgw etli ogwag. Newteiit nitap mittugwalit tes nipg. Apjiw pet teppit asogom'tagn igtug. Negm wigit mnigug. "
Tali altamg tan tleiewin? Tal petgitas'g gogwei?
10. " ula na nt'sgulm. Gisi uggwatam tan tujiw natel eliei. Jijuaga eltesgasi. Alt nitapag asuatijolujig pas igtug. Alt nitapag pegisulujig pot igtug." Tali ltaiog sgul igtug tan tleiewin?
11. Tplutagnn Tplutagnn etegl na utan tan tleiewi. Tplutagnn gelulgl muta apognmuegl. Awtiel tplutagnn etegl. Jijuaga amuj pa nagasin ugjit igtigig. Ag ma wen megwaig awtigtug gisi altesgasigw. Amuj pa pmetug pemtesgasit. Taluegegl tplutagnn?
12. " Nige geitun tan telteg utan tan tleiewi." Gogwei me gsatmugg wigis'p utang? Gogwei mu gsatmugg? Gogwei ugjit?