'Sqolj Frogs

Sqolj na gisiwigit maqamigeg aqq samuqwanigtug gatu giwnaqa saqp'ja'qamig na um'tgi. Siggw aqq nipg elg we'jiates ta'n pas'g tami walqupe'gl. Napew na telwisit ataqali, negm maqgisutnat aqq siggw wigumatl sgwe'ul. Ula negm nige' saqp'ja'qamigtug penattal ugwa'wuml, wegla tapuisga'q pituimtnaqan te's'gl. Nige' ataqali anguna'qal wegla wa'wul stge' goqwei matnugtesg. Panaemg nanuguna'q ula wa'wul weita'jig sqolj'ji'jg telwi'tujig gulpatjijg, negmow malqutmi'tij ula matnustesg tmg toqo samuqwane'I saqaligl ta'n ga's'g ugtunual niwe'g. Negmow na tel gamlamultijig stge' nme'jig muta ugpnual etegl ugtinnewaq. Sqolj na wilu u'je'jg ta'n mesnaji winnug muta ula na oqosgijigueg. Sqolj na wijei aqq mte'sgm ta'n telnugg ugm'gegnm, je negm malqutg ula ta'n meniaq. Nipg na gaqi'sg pesgwiet na wa'qaig aqq lame'g gis 'ggtigeg gisigweg'sneg. Sqolj na geitaqamiga'sit te's gesig aqq telueji'g metla'sipunatew. Mte'sgmug, apigjilu'g, gu'gu'gwesg, nme'jig aqq sisipaq wigpa'titl sqoljl. Sqolj ulugunn apoqonmatl jaqaliwnaqien wesmugtuaj wegla. Negm elg sesupapsg'sit glaman metue'g ta'n tel gisapsgnuj. Pana wijei ta'n teli stoqonamugsij apoqonmaj gisigasin msiguigtug nipg. Sqoljig na apoqonmua'tiji mimajuinu' muta pugwelpa'tiji juji'ji'jg, glmuejg aqq u'jig. Pana gulgujij gis siaw mimajij me' ta'siliji tepgunseliji, negm nigwenttal ugpignn aqq ulugunn. Aqq me' siawawsij ap si'st tepgunseliji, negm gis natqa'sitew samuqwanigtug. Gulgujij na mu mijjigw pemsa'se'wa'sij sqoljigtug, negm na weji mimajit na ugtinnin ta'n ugsuguni. Nige' ula ugsuguni apsiaq glapis 'lpa gesga's'geg. Na toqwa'q, me' pemgilg aqq nige' pe'I geitaqamiga'sit sisguigtug ugjit gesig. Na enmi nipg, ula gulgujijaq neia'sitew, sa'se'wa'sisnaq, nige' sqolj.  

GLUSUAQANN UGJIT SQOLJ 

anguna'qal: pana stge' a'sun lega'tu'n. 

giwnaqa: ta'n newgtamu'g wesgu'mn. 

maqgisutnat: na gelusij jagwet. 

matnugtesg: stge' aqalasie'w telwi't'g "Jell-O". 

natqa'sitew: tami egwijing na tualqa'sitew! 

oqosgijigueg: tett pepse'g nestesinn 

panaemg: mu giasgiw gatu tepaw 

pemsa'se'wa'sij: ma' nugu wijeiawigw! 

pugwelpa'tiji: gaqatepiaq gistmi'tij 

um'tgi: ta'n negm wen etl gisigwej! 

Iga'tu tetaputeg glusuaqan pantetegl ugjit tetaputen ta'n ewi'gas'g. 

• winnu 

• maqamigeg 

• sagligl 

• sesupapsg'sit 

• samuqwanigtug 

• ugpnua 

• wa'wul 

• nme'jig 

• gulgujijg. 

• u'je'jg 

• geitaqamiga'sit

1.  Sqoljig wigultijig __________________ aqq ma'w _________________________

2. Sgwe'wme'sgw sqolj penattal ______________ saqp'ja'qamigtug siggw. 

3. Sqoljue'I wa'wul wetneita'jig _________________________ 

4. . Gulgujijg malqutmi'titl smuqwane'I ___________________ 

5.  Gulgujijg na wijei tellamultijig stge' ________________ 

6. Sqoljig __________________ gesig. 

7. Sqolj na oqosgijigueg ___________________________ 

8. Sqolj malqumaji ____________________

9. Sqolj __________________ getl tana metue'g ugjit gi'I msnan.